यस वर्षको बहुप्रतीक्षित फिल्म ‘छक्कापञ्जा ४’ को ट्रेलर सार्वजनिक भएको छ । सार्वजनिक ट्रेलरमा गाउँको चुनावको परिवेश, गुड्डाको राजनीतिक यात्रा र राजनीतिकले निम्त्याएको समस्या देखाउना खोजिएको छ ।फिल्मको ट्रेलरले राजा नामक शीर्ष चरित्रले चारखाल सुधारगृहदेखि सिंहदरबारसम्म गरेको राजनीतिक यात्राको कथा वरपर फन्को मार्छ ।
‘दर्शन सलाम’ गीतका कारण चर्चामा रहेको फिल्मलाई हेमराज विसीले निर्देशन गरेका हुन् । दीपकराज गिरी ,केदार घिमिरे,बेनिषा हमाल , दीपाश्री निरौला,नीर शाह, निर्मल शर्मा, बुद्धि तामाङ, राज आचार्य, अनुरागमान सिंह कुँवर ,सुष्मा निरौला, वेदना राई, मलिना जोशी, सविन बाँस्तोला, रमेश बुढाथोकी लगायतको पनि अभिनय रहेको छ ।आमा सरस्वती मुभिज र आइएमईको संयुक्त प्रस्तुति रहेको ‘छक्का पञ्जा ४’को निर्माताहरुमा दीपेन्द्र खनिया र केशव न्यौपाने छन् भने कार्यकारी निर्माताहरु केदारप्रसाद घिमिरे र निर्मल शर्मा हुन् ।
फिल्ममा नरेन्द्र मैनालीको छायांकन, निमेष श्रेष्ठको सम्पादन, रोशन श्रेष्ठको द्वन्द्व निर्देशन र दीपक स्वयंको कथा, पटकथा तथा संवाद छ ।‘छक्कापञ्जा ४’यहि फागुन १९ गते बाट प्रदर्शनमा आउदै छ ।
