दाङ-दाङस्थित पूर्व पश्चिम राजमार्गमा बस र हाईस गाडी ठक्कर खाँदा तीन जना यात्रु घाईते भएका छन्। लमही नगरपालिका–३ बनगाउँमा पुर्बबाट पश्चिमतर्फ छुटेको बा.प्र.०–३००१ ख १९६७ नं.को बस र बिपरित दिशा तर्फ जादै गरेको गण्डकी प्रदेश एफएए–०१०५ नं.को हाईस ठोक्किदा दुर्घटना भएको वडा प्रहरी कार्यालय लमहीका प्रहरी निरिक्षक प्रकाश भुसालले जानकारी दिए ।
नवलपरासी रामग्राम नगरपालिका–१६ बस्ने बर्ष ४० का प्रेम बहादुर चौधरी, नवलपरासी कावासोति नगरपालिका–५ बस्ने बर्ष ३१ का मनोज थापा, स्याङ्जा पुतलीबजार नगरपालिका–५ बस्ने बर्ष ३६ का दुर्गा बहादुर थापा घाईते भएका छन्। घाईतेहरुको लमही अस्पतालमा उपचार गरिएको छ।
हाईस चालक जिल्ला मकवानपुर मनहरी गा.पा.–६ बस्ने बर्ष ३६ का दुर्गा तामाङ पाख्रिन र झापा मदगास गाउँपालिका–१० बस्ने बर्ष ५७ का दुर्गा प्रसाद पौडेल प्रहरी नियन्त्रणमा छन्।
