चितवनः नेपाली काँग्रेस नेत्री स्व. मैयादेबी श्रेष्ठको ८९ औं जन्मजयन्ती एबं दोस्रो स्मृति दिवसको अबसरमा अखण्ड भजनकृर्तन गरिएको छ । नारायणगढ स्थित मैयादेबी ट्रष्टमा कृतनको आयोजना गरिएको हो । श्रेष्ठको दोस्रो स्मृति दिबसको आयोजनामा आयोजित अखण्ड भजनकृर्तनलाई सम्बोधन गर्दै ट्रष्टका महासचिब टंकनाथ पौडेलले स्वर्गिय श्रेष्ठले देखाएको बाटोमा ट्रष्टले काम गर्दै आएको बताउनुभयो । दानबिर तथा समाजशेवी श्रेष्ठको सपना अनुसार ट्रष्टले स्वास्थ्य, शिक्षा, बाटो, खानेपानी लगाएतका क्षेत्रमा काम गर्दै आएको पौडेलले बताउनुभयो । ट्रष्टको संस्थापक संरक्षक मैयादेबीको परिकल्पना अनुसार समाज सेवा, धार्मीक क्षेत्र राजनैतिक क्षेत्रमा अतुलनिय योगदान गर्नु भएको हुँदा उहाँको पथलाई अनुसरण गर्दै अगाडी बढेको उहाँले बताउनुभयो । श्रेष्ठले सयौ संस्थालाई सहयोग गर्नुभएको थियो । नेपाली काग्रेस केन्द्रीय समिति, जिल्ला, वडा कार्यालहरुलाई समेत जग्गा व्यवस्थापन गर्नु भएकी श्रेष्ठलाई अहिले सम्झन छोडेको भन्दै पौडेलले चिन्ता व्यक्त गर्नुभयो । ट्रष्टका अध्यक्ष प्रेम कुमार श्रेष्ठको सभापतित्वमा सम्पन्न कार्यक्रममा कल्कीश्वर भजन समुह कालिका नगरपालिका ६ को समुहले अखण्ड भजनकृतन गरेको हो । बि. सं. १९८५ साल कात्तिक ५ गते जन्मनुभएकी श्रेष्ठको बि. सं. २०७९ साल कात्तिक ५ गते निधन भएको थियो ।
