भरतपुर,चितवन–
भरतपुर महानगरपालिका अन्तर्गतको वातावरण समितिले खानेपानीको मुहान निरीक्षण तथा संरक्षणको कार्य सुरु गरेको छ । अध्यक्ष मनोज रानाभाटको नेतृत्वमा समितिले महानगर भित्रका खानेपानीको मुहान निरीक्षण तथा संरक्षणको कार्य सुरु गरेको हो ।
जसका लागि वडा नम्बर २ का वडाध्यक्ष समेत रहेका रानाभाटको अध्यक्षतामा महानगरमा बिहिबार बिहान बैठक बसेको थियो । उक्त बैठकले सरकार र उपभोक्ताको सकृयतामा संचालन भैरहेका खानेपानीको शूल्क समान बनाउन आवश्यक प्रकृया अघि बढाउने निर्णय गरेको छ ।
भरतपुर महानगरभित्र संचालित सम्पूर्ण योजना अन्तर्गतका खानेपानीको दररेट एकिकृत गर्ने निर्णय गरिएको अध्यक्ष रानााभाटले जानकारी दिए । मुलुकमा संघियता आउनु अघि जिल्ला प्रशासन मातहन हुने खानेपानी संबन्धि काम अब स्थानीय सरकार महातहत हुने समितिका सदस्य सचिव विशुराम कुँवरले बताए । महानगरको वातावरण तथा विपत महाशाखा प्रमुख समेत रहेका कुँवरका अनुसार खानेपानी मुहान संरक्षण तथा दर्ता संवन्धि कार्यबिधि २०७८ कार्यान्वयनमा आएको छ।
यसै समितिको सकृयतामा महानगरवासीलाई ७ युनिट सम्मको खानेपानी निशूल्क प्रदान गर्ने प्रवन्ध पनि मिलाइनेछ । वातावरण समितिमा वडा नम्बर २९ का वडा अध्यक्ष सूर्यबहादुर गुरुङ, वडा नम्बर १५ का वडा अध्यक्ष श्रीकृष्ण देबकोटा, वडा नम्बर १० का वडा सदस्य रेशमराज थापा लगायत रहेका छन ।
