कमेडियन विकास अर्याललाई फोनमा धम्की आएको छ । कमेडी दरबारको नयाँ एपिसोडमा माओवादी केन्द्रका अध्यक्ष पुष्पकमल दाहाल प्रचण्डाको क्यारिकेचर गरिएको प्रस्तुति सार्वजनिक भएपछि कमेडियन विकास अर्याललाई फोनमा धम्की आएको हो ।
एपिसोडमा सार्वजनिक दुई संवादलाई लिएर आफूलाई धम्कीपूर्ण फोन कल आएको कमेडियन विकासले बताए । उनले भने, ‘म प्रचण्डको फ्यान हो भन्दै नयाँ नम्बरबाट फोन आएको थियो । किन प्रचण्डलाई त्यस्तो भनेको, त्यो तुरुन्तै हटाउनू नत्र राम्रो हुँदैन भनेर थर्काएको थियो । मैले केही नबोली फोन काटिदिएँ । नम्बरलाई ब्लकमा राखिदिएँ ।’
सार्वजनिक एपिसोडमा कमेडियन विकासले संवादका क्रममा एउटा सन्दर्भमा ‘पाँच हजारको जिम्मा लिएपछि जुठै बारौं कि भन्ने लाग्यो’ भनेर बोलेका थिए । अर्को दृश्यमा नक्कली प्रचण्डले भन्छन्, ‘म युद्ध मात्रै लडेको होइन, चुनाव मात्रै लडेको होइन, अस्ति ट्वाइलेटमा पनि लड्या मान्छे हो ।’
