अस्ट्रेलियामा जारी टप एन्ड टी–२० शृंखलामा नेपालले पाकिस्तान साहिन्सविरुद्ध एकै ओभरमा दुई विकेट लिएको छ । शुक्रबार डार्विनमा जारी खेलमा टस हारेर फिल्डिङमा आएको नेपालका लागि दोस्रो ओभरमा दीपेन्द्रसिंह ऐरीले तेस्रो र पाँचौँ बलमा विकेट लिएका हुन् ।
प्रतियोगितामा आज नेपाल तेस्रो जितको खोजीमा छ । नेपालले यसअघिका पाँचमध्ये तीन खेलमा हार र दुई खेलमा जित निकालेको थियो । नेपाल पहिलो खेलमा नर्दन टेरिटोरीसँग ४२ रनले पराजित भएको थियो । नेपाल दोस्रो खेलमा बंगलादेश ‘ए’सँग ३२ रनले हारेको थियो । नेपाल तेस्रो खेलमा मेलबर्न स्टार्ससँग ३१ रनले पराजित भएको थियो ।
चौथो खेलमा भने नेपालले होबर्ट हुरिकेन्सविरुद्ध ६६ रनको जित निकालेको थियो । पाँचौँ खेलमा नेपालले मेलबर्न रेनेगाड्र्सलाई ३३ रनले हराएको थियो ।
