काठमाडौं । एसीसी महिला प्रिमियर कपको सेमिफाइनलमा नेपाली महिला टोलीले आज आयोजक मलेसियाविरुद्ध खेल्दैछ । मलेसियाको बायुमास ओभल मैदानमा हुने खेलमा नेपालले टस जितेर ब्याटिङ रोजेको छ ।
आजको खेल जितेमा नेपाली टोली एसिया कपमा छनोट हुनेछ । एसिया कपमा कूल ६ टोली खेल्नेछन् । तीमध्ये एउटा समूहमा भारत पाकिस्तान र बंगलादेश छन् । अर्को समूहमा श्रीलंका र दुई छनोट हुने टोली हुनेछन् ।
आज अर्को फाइनल जितेर युएइको महिला टोलीले दोस्रो समूहमा श्रीलंकासँगै स्थान पक्का गरिसकेको छ । अब मलेसिया र नेपालबीच हुने खेलको विजेता दोस्रो समूहको तेस्रो टोली हुँदै एसिया कपमा छनोट हुनेछ । महिला एसिया कप आगामी सेप्टेम्बरमा हुनेछ ।
