चितवन: कृषि क्याम्पस रामपुरमा एमाले सम्वद्ध अखिलबाट आफ्ना कार्यकर्ता कुटिएको बिरोधमा नेबिसंघ चितवनले आइतबार साँझ चितवनमा प्रधानमन्त्रीको पुत्ला दहन गरेको छ । कांग्रेस संवद्ध नेबिसंघका बिद्यार्थीहरुले नारायणगढको लायन्सचोकमा प्रधानमन्त्री केपि ओलीको पुत्ला दहन गरेका हुन । सोहि क्रममा उनिहरुले रामपुर क्याम्पसका उपकुलपति पुण्य प्रसाद रेग्मी र रजिष्टार शारदा थपलीयाको पनि पुत्ला दहन गरेका छन ।
नेबिसंघ चितवनका कार्यबाहक सभापति प्रकाश भण्डारीले नेतृत्व गरेको बिरोध कार्यक्रममा, उपाध्यक्ष सागर सुबेदी, सचिबत्रय ओमकार सापकोटा, राजेश पौडेल र सिजन अधिकारी, सप्तगण्डकी कलेज नेबिसंघ इकाइ सभापति साजन गुरुङ र नेबिसंघ रामपुर क्याम्पसका सभापति निकेश शर्मा सहभागी थिए । सांघातिक हमलामा संलग्नलाइ तत्काल कार्वाहि नगरे नेविसंघ कडा भन्दा कडा कदम चाल्न बाध्य हुने सभापति भण्डारीले चेतावनी दिएका छन ।
गत भदौ १३ गते नेकपा (एमाले) निकट विद्यार्थी संगठन अनेरास्ववियू सम्बद्धहरुले आफुहरुमाथि ज्यान मार्ने उद्देश्यले भौतिक आक्रमण गरेको नेबिसंघले दाबी गर्दै आएको छ । उक्त घटनामा घाइते भएका मध्य कमन दहाल र प्रितम भण्डारीको चितवनमा उपचार सम्भव नभएपछि काठमाण्डौ लगिएको छ । घाइते कमनको आँखाको ज्योति कहिले पनि नफर्किने गरी गुमेको छ ।
