काठमाडौँ । चिया सेवनले हाम्रो शरीरमा रहेको भिटामिन र खनिजहरूलाई पनि असर गर्छ । के तपाईंलाई यो कुरा थाहा छ ? अत्यधिक मात्रामा चिया सेवन गर्दा केही भिटामिन र खनिजहरूको कमी हुन सक्छ । आजको यस लेखमा हामी अत्यधिक चिया सेवनले कम हुन सक्ने भिटामिनहरूबारे कुराकानी गर्नेछौँ ।
१. भिटामिन बी१२ र आइरनको कमी
चियामा रहेको ट्यानिन र क्याफिनले शरीरमा भिटामिन बी१२ को अवशोषणलाई सीमित गर्छ । भिटामिन बी१२ को कमीले थकान, कमजोरी, स्मरणशक्ति समस्या र मुड स्विङ निम्त्याउन सक्छ । खाना खाएपछि तुरुन्तै चिया पिउनाले आइरनको अवशोषण कम हुन्छ । भिटामिन सीले शरीरलाई आइरनलाई राम्रोसँग अवशोषित गर्न मद्दत गर्छ, तर चियाले यसको प्रभावकारिता घटाउँछ । यसले एनीमिया निम्त्याउन सक्छ ।
२. भिटामिन डीर क्याल्सियमको कमी
अत्यधिक क्याफिनले शरीरबाट क्याल्सियम हटाउन मद्दत गर्छ । यसले हड्डीहरूलाई कमजोर बनाउँछ र भिटामिन सीको कमी निम्त्याउँछ । लामो समयसम्म धेरै चिया पिउनाले ओस्टियोपोरोसिसको जोखिम बढाउन सक्छ ।
अत्यधिक चिया सेवनका अन्य बेफाइदा पनि छन् ।
निद्रामा कठिनाइः क्याफिनले निद्रालाई असर गर्छ, जसले अनिद्रा निम्त्याउन सक्छ ।
पेटमा समस्याः यसले एसिडिटी, ग्यास र कब्जियत जस्ता समस्याहरू बढाउन सक्छ ।
मुटुको धड्कन तीव्र हुनेः अत्यधिक क्याफिन सेवनले मुटुको धड्कन बढाउन सक्छ । विशेष गरी उच्च रक्तचाप भएका व्यक्तिहरूमा यस्तो हुन्छ ।
भिटामिनको कमीबाट कसरी बच्ने ?
- खाना खाएपछि तुरुन्तै चिया नपिउनुस् । खान र चियाबिच कम्तीमा १–२ घण्टाको अन्तराल राख्नुहोस् ।
- दिनमा २–३ कपभन्दा बढी चिया नपिउनुहोस् ।
- चिया खानै परेपछि हर्बल वा ग्रिन टी खानुहोस् ।
चिया स्वादिष्ट हुन्छ, यसले ऊर्जा पनि दिन्छ । अनि यसले मुड सुधार गर्दछ । यद्यपि, अत्यधिक सेवन गर्दा, चिया शरीरको लागि हानिकारक हुन सक्छ । भिटामिनको कमी, विशेष गरी, गम्भीर समस्या बन्न सक्छ, बिस्तारै शरीरलाई कमजोर बनाउँछ । त्यसैले, चिया सन्तुलित मात्रामा सेवन गर्नुहोस् र आफ्नो शरीरलाई आवश्यक पोषण प्रदान गर्न नबिर्सनुहोस् ।
