माडी नगरपालिका–१ वनकट्टामा गैंडाको आक्रमणबाट काँस घारीमा भैंसी चराउन गएका एक व्यक्ति घाइते भएका छन् ।
सोमबार बिहान साढे ११ बजेको समयमा भैंसी चराउने क्रममा स्थानीय ६८ वर्षीय मंगले बोटलाई गैंडाले आक्रमण गरेको हो ।
गैंडाको आक्रमणबाट घाइते भएका बोटको पुरानो मेडिकल कलेजमा उपचार भइरहेको छ । उनको ढाड र पेटमा चोट लागेको छ भने अवस्था मध्यम रहेको जिल्ला प्रहरी कार्यालय चितवनले जानकारी दिएको छ ।
