चितवनको सेन्ट्रल मोडेल कलेजमा बिआइटिएम र बिएचएम अध्ययनरत विद्यार्थीले पहिलो सेमेष्टरमै उत्कृष्ट नतिजा हासिल गरेका छन । त्रिभुवन विश्वविद्यालयबाट सम्बन्धन प्राप्त कलेजले सूचना प्रविधि व्यवस्थापन (विआइटिएम) र होटल व्यवस्थापन (विएचएम) कार्यक्रम सञ्चालनमा ल्याएको पहिलो वर्षमानै उत्कृष्ट नतिजा ल्याएको हो । कलेजका अध्यक्ष यज्ञ विलास (वाइबी) पौडेलले पहिलो सेमेष्टरमै ८० प्रतिशत विद्यार्थी उत्तिर्ण भएको बताउनुभयो ।
कलेजले अनुभवी शिक्षकहरुको मार्गदर्शन, अत्याधुनिक स्मार्ट क्लास, प्राक्टिकल किचन ल्याब, कम्प्युटर ल्याब, पुस्तकालय, नियमित फिल्ड वर्क र बसको समेत सुविधा प्रदान गरेको छ । कलेजले उत्कृष्ट विद्यार्थी, आर्थिक रुपमा विपन्न तथा प्रतिभावान विद्यार्थीका लागि सय प्रतिशत छात्रबृत्ति उपलब्ध गराएको अध्यक्ष पौडेलले बताउनुभयो । उहाँका अनुसार पहिलो समेष्टरको नतिजा विद्यार्थीको मेहनत, शिक्षकहरुको मार्गदर्शन, अभिभावक तथा शुभेच्छुकहरुको सहयोगले उत्कृष्ट बन्न सफल भएको हो ।
कलेजले शैक्षिक सत्र २०८२ का लागि बिआइटिएम र बिएचएम कार्यक्रममा गरिब तथा जेहेन्दार विद्यार्थीका लागि कुल ६० लाख बराबरको छात्रबृत्ति उपलब्ध गराउने जनाएको छ । कक्षा १२ उत्तिर्ण विद्यार्थीले कलेजको भरतपुर ओरालोस्थित कार्यालयमा सम्पर्क गरी नयाँ शैक्षिक यात्रा सुरु गर्न कलेजका प्रिन्सिपल डा.टी.आर. चालिसेले अनुरोध गर्नुभयो । उहाँले कलेज सधैं विद्यार्थी केन्द्रीत गुणस्तरिय शिक्षामा समर्पित रहने उल्लेख गर्दै नयाँ सत्रका लागि सिमित सिटमा धमाधम भर्ना खुलेको जानकारी दिनुभयो ।
