असोज २६ ,काठमाडौँ ।
संसदीय सुनुवाइ समितिले आज भारतसहित चार देशमा प्रस्तावित राजदूतहरुको सुनुवाइ गर्दैछ ।
प्रस्तावित राजदूतहरुको सुनुवाइ गर्न सुनुवाइ समितिको बैठक आज सिंहदरबारस्थित सार्वजनिक लेखा समितिको कार्यकक्षमा बस्दैछ ।
विहान ९:१५ बजे बस्ने बैठकमा प्रस्तावित राजदूतहरू उपर प्राप्त उजुरीका सम्बन्धमा उजुरीकर्तालाई समितिमा आमन्त्रण गरी छलफल गरिनेछ ।
त्यसपछि भारतका लागि राजदूत पदमा नियुक्तिका लागि प्रस्तावित व्यक्ति डा. निश्चल नाथ पाण्डे, चीनका प्रस्तावित कल्याण राज शर्मा, अमेरिकाका लागि प्रस्तावित चिरन जङ्ग थापा, बेलायत लागि प्रस्तावित व्यक्ति गौरव शमशेर जबराको सुनुवाइ हुने सहसचिव लक्ष्मी प्रसाद गौतमले बताए ।
