काठमाडौं । युक्रेनका राष्ट्रपति भोलोदोमिर जेलेन्स्कीले रुसको आक्रमणको जवाफ दिने बताएका छन् ।मंगलबार पनि रुसले राजधानी कीभलगायतका क्षेत्रहरुमा हमला जारी राखेसँगै राष्ट्रपति जेलेन्स्कीले यस्तो बताएका हुन् ।
उनले आक्रमणमा परी ४ जनाको मृत्यु भएको र अन्य १६ घाइते भएको जानकारी दिए । उद्दार कार्य सञ्चालन भइरहेको जेलेन्स्कीले बताए ।
रुसले ९० भन्दा बढी सर्वसाधारण र भौतिक पूर्वाधारलाई हवाई आक्रमणद्वारा निशानामा पारेको छ । सो क्रममा रुसले ८१ ड्रोन, क्रुज, ब्यालिस्टिक र हवाई ब्यालिस्टिक मिसाइल आक्रमण गरेको थियो ।
‘हामी रुसको यो र अन्य आक्रमणको प्रतिक्रिया दिनेछौँ । मानवताविरुद्धको अपराध सजायबाट बच्न सक्दैन,’ राष्ट्रपतिले सामाजिक सञ्जालमार्फत् भने ।
