चितवन– नेपाली राष्ट्रिय महिला फुटवल टिमकी कप्तान साबीत्रा भण्डारी साम्बालाई श्री सरस्वती युवा क्लबले सम्मान गर्ने भएको छ । क्लबले यहि श्रावण २४ गते शनिवार शिबनगरमा साम्बालाई सम्मान गर्ने भएको हो । खेल स्वास्थ्यका लागि, खेलाडी राष्ट्रका लागि भन्ने मूल नाराका साथ राष्ट्रको गौरब साम्बालाई सम्मान गर्न लागिएको क्लबका अध्यक्ष सुवास सुवास सिलवालले जानकारी दिए ।
उनका अनुसार सम्मान कार्यक्रम शनिवार मध्याह्न सवा १२ बजे शिबनरमा अवस्थित नारायणी बिद्यामन्दिर मा.बि.मा शुरु हुनेछ । कार्यक्रम सफल बनाउन हालसम्म युवा व्यवसायी प्रविण बराल, हरि केसी र योगेन्द्रध्वज थापाले समान २०÷२० हजारका दरले ६० हजार रुपैयाँ सहयोग गरिसकेको अध्यक्ष सिलवालले बताए । नेपालको फुटवल इतिहाँसमा अन्तराष्ट्रिय क्लबबाट फुटवल खेल्ने साम्बा पहिलो महिला खेलाडी हुन ।
कार्यक्रममा सहभागी भएर साम्बको हौसला बढाउन क्लबले सम्पूर्णमा अपिल गरेको छ । २०५२ सालमा स्थापना भएको सरस्वती क्लबले यसअघि पनि बिभिन्न सामाजिक काम गर्दै आएको छ ।
