मेट्स इन्टरनेशनलको सुविधा सम्पन्न नयाँ कार्यालय चितवनमा उद्घाटन

विगत १५ वर्षदेखि नारायणगढ चितवनमा सञ्चालनमा रहेको मेट्स इन्टरनेशनल एजुकेसन एण्ड भिसा सर्भिसेसको शाखाले नयाँ कार्यालय विस्तार गरेको छ ।

सुविधा सम्पन्न उक्त कार्यालयको शुक्रबार मेट्स इन्टरनेशनल नेपालका प्रबन्ध निर्देश प्रकाश पाण्डेले रिबन काटेर गरे । अध्ययन र परामर्शमा थप सहज होस् भनेर नयाँ कार्यालय उद्घाटन गरिएको पाण्डेले बताए ।अन्य कन्शल्टेन्सीको तुलनामा कुनै पनि कुरामा मेट्स कमि नरहेको दाबी गर्दै पाण्डेले उच्च शिक्षा अध्ययनका लागि विदेश जान चाहने विद्यार्थी एकपटक मेट्समा आउन आग्रह गरे ।शहीदचोकमा पहिले रहेकै भवनपछिको तल्लो तलामा नयाँ कार्यालय थप गरिएको हो । मेट्स इन्टरनेशनलले उच्च शिक्षा अध्ययनका लागि अष्ट्रेलिया लगायतका विभिन्न देश जान चाहने विद्यार्थीहरुलाई शैक्षिक परामर्श, भिसा एप्लाई गर्नुका साथै आइएलटिएस र पिटीईका कक्षाहरु सञ्चालन गरिरहेको छ ।सुरुवातमा अष्ट्रेलिया अध्ययन गर्न जाने विद्यार्थीहरुका लागि परामर्श दिँदै आइरहेको यस संस्थाले हाल अष्ट्रेलियासहित क्यानडा, युके, युएसए, आयरल्यान्ड एवम् न्युजिल्यान्ड अध्ययन गर्न जाने विद्यार्थीहरुलाई समेत परामर्श दिँदै आइरहेको छ ।

यीनै कार्यहरुलाई प्रभावकारी बनाउन र अत्याधुनिक टेक्नोलोजीका साथ विद्यार्थीहरुलाई शान्त वातावरणमा अध्यापन गराउन नयाँ कार्यालय खोलिएको चितव शाखाका प्रबन्ध निर्देशक प्रकाश पौडेलले बताए । अष्ट्रेलिया भनेकै मेट्स इन्टनेशनल भनेर मार्केटमा छाएको मेट्स इन्टरनेशनल विद्यार्थी तथा अभिभावकबीच लोकप्रिय रहेको शैक्षिक परामर्श संस्था हो

।मेट्सले संसारभरि जस्तो सुकै परिस्थिति रहँदा पनि संख्याको आधारमा भन्दा पनि गुणस्तरीयताको आधारमा विद्यार्थीलाई उनीहरुको शैक्षिक स्तर, भाषा परिक्षाको नतिजा तथा परिवारको आर्थिक अवस्थाको आधारमा उपयुक्त कलेज र विश्वविद्यालय तथा सम्बन्धित विषयको माथिल्लो तहका लागि परामर्श दिने गरिएको पौडेलको दाबी छ ।

काठमाडौंमा २०६४ बाट र चितवनमा २०६५ मा सुरु भएको मेट्स इन्टरनेशनल सबैभन्दा पहिला अष्ट्रेलियाको सिड्नीबाट सुरु भएको हो । मेट्स इन्टरनेशनलले नेपाल, भारत, अष्ट्रेलिया, लाओस, फिजि र फिलिपिन्स गरि ६ वटा देशका २१ स्थानमा आफ्नो व्यावसायिक संजाल विस्तार गरिसकेको छ ।