सदस्यता समेत खोसिएकी विद्या बनिन् एमालेकी प्रमुख अतिथि

पार्टी सदस्यता नै खारेज गरिएकी पूर्वराष्ट्रपति Bidya Devi Bhandari आइतबार नेकपा एमालेको कार्यक्रममा प्रमुख अतिथि बनेपछि एमालेभित्र नयाँ राजनीतिक तरंग पैदा भएको छ। बल्खुस्थित मदन–आश्रित स्मृति सभामा भण्डारीलाई प्रमुख अतिथि बनाइनु अध्यक्ष K. P. Sharma Oli र उनीबीचको सम्बन्ध फेरि सुधार हुँदै गएको संकेतका रूपमा हेरिएको छ। केही समयअघि मात्रै पार्टीले भण्डारीको सदस्यता खारेज गरेको थियो, तर अहिले उनलाई सम्मानका साथ मञ्चमा ल्याइनुले एमालेभित्र ‘कोर्स करेक्सन’ सुरु भएको चर्चा चुलिएको छ। ओली स्वास्थ्य समस्याका कारण कार्यक्रममा सहभागी नभए पनि भण्डारीलाई प्रमुख अतिथि बनाउने निर्णय उनकै चाहनाअनुसार भएको नेताहरूको दाबी छ। एमालेभित्र नेतृत्व परिवर्तनको बहस तीव्र भइरहेका बेला ओलीले राजनीतिक सन्तुलन मिलाउन भण्डारीसँग नजिकिएको विश्लेषण समेत भइरहेको छ।