गायिका समीक्षा अधिकारीले कुनै पनि कलाकारले रुँदै हिँड्न नपराेस् भनेर कामना गरेकी छन् ।
मंगलबार दिउँसाे सामाजिक सञ्जालमार्फत उनले असफल हुँदा खुसी हुने र सफल हुँदा खुट्टा तान्नेहरू धेरै भेटिने भए पनि सबै कलाकारहरूलाई सफलता मिलाेस् भन्ने आफ्नाे चाहना रहेकाे बताएकी हुन् ।
उनले आफू उठ्दै लाग्दा बेस्सरी ठेस लागेर लडेकाे र उठ्न धेरैले साथ दिएकाले आफू संसारकै भाग्यमानीझैँ लाग्ने गरेकाे पनि बताएकी छन् ।
उनले ‘बाँचुञ्जेल रिस राग र डाह मनमा पालेर के नै हुन्छ र’ भनेर पनि प्रश्न गरेकी छन् । समीक्षाले लेखेकाे स्टाटस झट्ट हेर्दा भावनात्मक देखिए पनि उनले कुनै कलाकारलाई व्यङ्ग्य गरेकाे हुन सक्ने चर्चा कमेन्टहरूमा भइरहेकाे छ ।
