काठमाडौँ । नेकपा एमालेले सांसद आश्मा चौधरीका श्रीमान् लौटन चौधरीको निधनबारे अनुसन्धान र छानबिन गर्न सरकारसँग माग गरेको छ ।
एमाले संसदीय दलको आइतबार बसेको बैठकले यस्तो माग गरेको हो । ‘नेकपा एमालेका सांसद आश्मा चौधरीका श्रीमान् लौटन चौधरीको निधन भएको छ । उहाँको निधनप्रति केही शङ्काहरू उत्पन्न भएको छ’, प्रमुख सचेतक महेश बर्तौलाले भने, ‘यस घटनाप्रति नेपाल प्रहरीले सत्यतथ्य अनुसन्धान गरोस् भन्ने हाम्रो माग छ ।’
