काठमाडौं : रौतहटको ईशनाथमा आँप चोरेको विषयमा विवाद हुँदा एक किशोरको हत्या भएको छ ।
ईशनाथ–९ लवातना गाउँका १७ वर्षीय सहबाज मियाँ आलमको टाउकोमा रड र धारिलो हतियार प्रहार गरी बुधबार हत्या भएको हो ।हत्याको अभियोगमा दुई युवा पक्राउ परेका छन् ।१८ वर्षीय दशई साह र १९ वर्षीय रोशन साह पक्राउ परेका हुन् ।घटनाको १ दिन अघि मृतकका भाइ १० वर्षीय साबिर मियाँ आलम संग आँप टिपेको विषयमा विवाद हुँदा मृतक सहवाज मियाँ आलमले दशई साहलाई थप्पड हानेका थिए ।
सोही घटनाको बदला लिन दशईले मिल्ने साथी रोशनसँग मिलेर सहवाज मियाँ आलमको हत्याको योजना बनाएको रौतहट प्रहरीले जनाएको छ ।
