स्याङ्जाको गल्याङ नगरपालिका घर भएकी सीता भट्टराई छोराछोरीलाई पढाउन भनेर बुटवलको गोलपार्कमा बस्दै आएकी थिइन् ।
सीताका जुम्ल्याहा छोराछोरी दिपेश र दिपिका बुटवलको कालिका माविमा अध्ययन गर्दथे । कक्षा पाँचदेखि कालिका मावि अध्ययन गर्न थालेका उनीहरू दुवै अध्ययनमा उत्कृष्टमात्र थिएनन्, अतिरिक्त क्रियाकलापमा पनि अब्बल थिए ।
उक्त गाडीमा सवार १४ जना यात्रु पहिरोमा पुरिएका छन् । जुम्ल्याहा दाजुबहिनी नेसनल एस्ट्रोनोमी ओलम्पियार २०२४ मा भाग लिन गइरहेको अवस्थामा सो दुर्घटनामा परेको खबर आएको विद्यालयका प्रधानाध्यापक दिनेश थापाले रातोपाटीलाई बताए ।
उनले भने, ‘उनीहरू निकै राम्रो अङ्क ल्याउने विद्यार्थी हुन् । त्यस अतिरिक्त अहिले नेसनल एस्ट्रोनोमी ओलम्पियारमा भाग लिन काठमाडौँ पठाएको हो, तर दुखद् घटना घटेछ ।’
बङ्गलादेशमा आयोजना हुने उक्त कन्फ्रेन्समा ३२ राष्ट्रका विद्यार्थी सहभागी हुने बताइएको छ ।
उक्त विङ्गरमा सवार १४ जनाको शव निकालेर शिक्षण अस्पताल काठमाडौँमा पठाइएको जानकारी आएको राजमार्ग ट्राफिक सुरक्षा कार्यालय बुटवलका निमित्त प्रमुख प्रहरी निरीक्षक ईश्वरी अधिकारीले रातोपाटीलाई बताए ।
उनले टिकटमा स्पष्ट नाम नलेखिएकाले सो गाडीका सबै यात्रुको पूरा विवरण पाउन कठिन भएको उनको भनाइ छ ।
पश्चिम नेपाल बस व्यवसायी प्रालिका अध्यक्ष दधिराम खरेलले अस्पतालमा आफ्ना कर्मचारी पठाएको र आफन्तहरू पनि पुग्ने क्रम रहेकाले अब पहिचान खुल्ने रातोपाटीलाई बताए ।
