चितवन
चितवनमा प्रथम विश्व प्रकाश कप फुटबल हुने भएको छ ।
दशैं तथा दिपावलीको अवसरमा विश्व प्रकाश स्कुल टोल विकास संस्थाले भरतपुर-१५ शुन्दरचोक, मंगलपुरमा यही असोज १७ गते देखि २० गतेसम्म फुटबल आयोजना गर्न लागेको हो ।
विश्व प्रकाश माविको खेल मैदानमा हुने खेलमा जिल्ला भरीका विभिन्न टोल वडाबाट टिम सहभागी हुने र बाहिरी जिल्लाबाट पनि टिम सहभागी हुन पाईने बुधबार पत्रकार सम्मेलनमार्फत जानकारी दिइएको छ । खेलमा प्रथम हुनेलाई ५१ हजार १११ र ट्रफी, मेडल,प्रमाणपत्र, दास्रो हुनेलाई ३१ हजार १११ ट्रफी, मेडल,प्रमाणपत्र प्रदान गरिने आयोजकले जनाएको छ । यस्तै सार्वाधिक गोलकर्तालाई ३० हजार र ट्रफी प्रदान गरिनेछ ।
