बैंगलुरु । भारतको कन्नड चलचित्र उद्योगका चर्चित अभिनेता दर्शन थोगुदीपलाई एक व्यक्तिको हत्या गरेको अभियोगमा प्रहरीले पक्राउ गरेको छ । ४७ वर्षीय दर्शनले पछिल्ला वर्षहरूमा धेरै ठूला बक्स अफिस हिट फिल्महरूमा मुख्य भूमिका निर्वाह गरेका छन् ।
दर्शनलाई सोमबार बिहान मैसूरस्थित उनको फार्म हाउसबाट बैंगलुरुको प्रहरी चौकीमा ल्याइएको थियो ।
हत्या भएका व्यक्तिले हत्याअघि अभिनेता दर्शनका एक अभिनेत्री साथीलाई अपमानजनक सन्देश पठाएको थिए ।
चित्रदुर्ग जिल्लाका ३३ वर्षीय रेणुका स्वामीको शव बैंगलुरुको नालीमा फेला परेको थियो ।
उनको जुन ८ मा हत्या भएको थियो । जुन ९ मा शव फेला परेको थियो ।
यस हत्याकाण्डमा दर्शन, उनकी अभिनेत्री साथी पवित्रा गौडासहित १० जनाको नाम छ ।
रेणुका स्वामीले अभिनेत्री पवित्रालाई अश्लील म्यासेज पठाएकी थिइन् । अभिनेत्री दर्शनको नजिकको साथी मानिन्छिन् । बैंगलुरुका प्रहरी आयुक्त बी दयानन्दले बीबीसी हिन्दीलाई भने, ‘पक्राउ परेकाहरूमा दर्शन र पवित्रा गौडा पनि छन्।’
दर्शनका हिट फिल्महरूमा अनाथरु, क्रान्तिवीर संगोली रायन्ना र कटेरा पर्छन् ।
