नेपाली लोकगीतकी चर्चित गायिका सुमित्रा कोइरालाले तीजको मौका पारेर माइतीको झल्को नामको तीजको गीत आजबाट बजारमा ल्याएकी छिन्। गीतको अन्त्यमा पशुपति शर्माले समेत साथ दिएको यो गीतमा महिलाले लिएको तीजको व्रत र पोतेको महत्त्व गायिका कोइरालाले मिठो गरी प्रस्तुत गरेकी छिन्। प्राय आफै गीत लेख्ने भाका दिने र गाउने गायिका कोइरालाले एकै वर्षमा दर्जनौं गीत बजारमा ल्याउने गरेकी छिन्। हरेक गीतले राम्रो बजार पाएका पनि छन्। हिन्दु नारीहरुको तिज पर्वको महत्व झाल्किनेगरी छायाङ्ग्कन गरिएको यस गीतमा छम छमि नाच्न पनि सकिन्छ।
