सहिद गणेश पौडेलको ३५ औ स्मृति दिवसमा कांग्रेस चितवनको कार्यक्रम

नेपाली कांग्रेस भरतपुर महानगर पालिका वडाकार्यसमिति वडा नम्बर–१३ को आयोजनामा जनआन्दोलन–२०४६ का प्रथम सहिद गणेश पौडेलको ३५ औ स्मृति दिवस उनको निवासमा विशेष कार्यक्रमका साथ सम्पन्न गरिएको छ । पार्टीका वडा सभापति सोभा रिमालको अध्यक्षतामा सम्पन्न कार्यक्रमको प्रमुख अतिथि पार्टीका केन्द्रीय सदस्य टेकप्रसाद गुरुङ रहेका थिए । कार्यक्रममा पार्टी सभापति राजेश्वर खनाल, पूर्वसभापति कृष्णलाल सापकोटा लगाएत पार्टीका नेता तथा कार्यकर्ताहरुको उपस्थिति रहेको थियो ।

सहिदको तस्वीरमा माल्यार्पण गर्दै सुरु गरिएको स्मृतिसभा कार्यक्रममा सहीद गणेश पौडेलको जीवनी, व्यक्तित्व र योगदानको वारेमा उनका दाई कांग्रेस नेता उमेश पौडेलले चर्चा गरेका छन । कांग्रेस चितवनका सचिव ध्रुव पोखरेलका अनुसार कार्यक्रमका प्रमुख अतिथि टेकप्रसाद गुरुङले सहिद गणेश पौडेलले देखाएको वाटो हिड्नु पर्नेमा जोड दिएका छन । सचिव पोखरेलका अनुसार सभापति राजेश्वर खनालले सहिद पौडेलको चर्चा गर्दै उनले देखाएको वाटोमा मन, वचन र कर्मले हिड्ने प्रतिवद्धता जनाए । लोकतन्त्र विचार मात्र नभएर आचरण र व्यवहार समेत भएकाले हरेकले आफूलाई लोकतान्त्रिकरण गर्न जरुरी रहेको सभापति खनालको भनाई थियो ।

पार्टीका अग्रजहरुलाई स्मरण गर्ने र उनिहरुको जीवन गाथाहरुलाई जनता समक्ष सुसूचित गर्ने उद्देश्यले यस प्रकारका कार्यक्रमहरु पार्टीको वार्षिक कार्यक्रममा समावेश गरिएको जानकारी सभापति खनालले दिए ।आगामी दिनमा पनि यस प्रकारका कार्यक्रमहरुलाई परिमार्जन र परिस्कृत गर्दै लगिने सचिब पोख्रेलले बताए । स्मृति सभामा पार्टीका पूर्व सभापति कृष्णलाल सापकोटा, वागमति प्रदेसका सांसद उत्तम जोशी र क्षेत्रीय सभापति लाल वहादुर दवाडी लगाएतले सहीद र प्रजातन्त्र दिवसको चर्चा गरेका थिए ।