चितवनको यातायात व्यवस्था कार्यालय र महालक्ष्मी ट्रायल सेन्टरमा अख्तियार दुरुपयोग अनुसन्धान आयोगले छापा मारेको छ । अख्तियारको बिशेष टोलीले आवश्यक कागजपत्र नियन्त्रणमा लिएको छ । अहिले पनि अख्तियारको टोली यातायात कार्यालयमै छ । लाइसेन्स वितरणमा भ्रष्टाचार भएको भन्ने उजुरीका आधारमा अख्तियारले छापा हानेको हो ।
यस्तै अख्तियारको टोलीले यातायात व्यवस्था कार्यालयसंगै रहेको कुमार मोटर ड्राइभिङ र गुरुङ स्किल ड्राइभिङ सेन्टरको समेत कागजात नियन्त्रणमा लिएर अनुसन्धान गरिरहेको स्रोतले बताएको छ । चितवनमा लाइसेन्स वितरणमा व्यापक अनियमितता भएको र पैसाविना लाइसेन्स निकाल्न नसकिने जनगुनासो बढेको थियो ।
